Супер-Инфо
super.kg видео
ЭЛДИК КАБАР: Оштун тургундары шаардагы жол чырактарды оңдоону мэриядан суранышууда
"Ош шаарындагы Тыныстанов жана Салиева көчөлөрүнүн кесилишинде жайгашкан "Кудайберди" унаа тетиктери базарынын алдындагы жол чырактар мышык ыйлагыдай абалда", - деп бүгүн, 7-ноябрда SUPER.KG порталына окурман билдирди.
Анын айтымында, жөө жүрүүчүлөр өтүүчү жол сызыктары да көрүнбөй калган. "Бул жол аркылуу аэропорттон келе жаткан туристтер жана беделдүү коноктор өтүшөт. Жолдун абалы да өтө начар. Шаар бийлиги ушул маселеге, ушул жолго көңүл буруп койсо болмок", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |