Ысык-Көл. Чолпон-Ата шаарында жаңы бала бакча курулуп баштады

Ысык-Көл облусунун Чолпон-Ата шаарына 100 орундуу жаңы бала бакча куруу демилгеси шаардык кеңештин депутаттары тарабынан көтөрүлүп, учурда имараттын пайдубалын куруу иштери башталды. Бул тууралуу Ысык-Көл районунун акими Райымбек Имангазиев 19-апрелде маалымдады. "Өткөн жылы аталган бала бакчаны курууга шаардык бюджеттен 4 миллион сом каралып, документ иштери аягына чыгарылган. Быйыл бюджеттен 8 миллион сом бөлүндү, ал эми жалпы курулуш ишине 44 миллион сом талап кылынат. Бирок "бул каражат бала бакчага көптүк кылат" деген айыл тургундары дагы четтен чыгууда. Ошол себептен жакын арада бакчага кетчү каражатты эсептөөчү комиссия түзүлөт",- деди Имангазиев.