Супер-Инфо
super.kg видео
ЭЛДИК КАБАР: Нарын районунун Миң-Булак айылында Тыныбек манасчынын айкели тургузулду
Бүгүн, 12-ноябрда Нарын облусунун Нарын районуна караштуу Миң-Булак айылында манасчы Тыныбек Жапый уулунун айкели тургузулду. Бул тууралуу SUPER.KG порталына окурман билдирди.
Анын айтымында, иш-чарага Нарын районунун тургундары жана Ысык-Көл облусунан келген коноктор күбө болушту. "Дөөлөт, Үмөт жана башка белгилүү манасчылар Манас баянын айтышты. Ошондой эле Жогорку Кеңештин депутаттары, коомдук ишмерлер катышты. Айкелди тургузууга Тыныбек манасчынын тукумдары жана Миң-Булак айылынын тургундары чоң салым кошушту. Той ат оюндары менен коштолду, байгеге 2 унаа жана башка акчалай сыйлыктар коюлду", - дейт окурман.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
4
1 |