Сурамжылоо: ЭРТЕҢ ПРЕЗИДЕНТТИК ШАЙЛОО БОЛСО... (14-28-ноябрь, 2016-ж.)

SUPER.KG порталында келерки жылы өтүүчү президенттик шайлоого карата сурамжылоонун жаңы айлампасы старт алды.

Бул жолку сурамжылоого Алмазбек Атамбаевдин ысымы кошулган жок. Себеби 2 айга чукул жүргүзүлгөн сурамжылоолор көрсөткөндөй, Атамбаевдин рейтинги 5-6 пайыздан ашпастан, алдынкы бештикке кире алган жок. Муну президенттин рейтингинин төмөндөп кеткендигинин же добуш бергендердин Конституциянын бузулушун каалабагандыгынын белгиси катары түшүнсө болот.

Бийлик тарабынан "мыйзам бузду" деп айыпталган Мелис Мырзакматов менен Садыр Жапаровдун да ысымдары сурамжылоонун кийинки айлампасына кошулган жок. Анткени мурдагы шайлоолор көрсөткөндөй, "мыйзам бузду" деп айыпталгандар Кыргыз Республикасынын мыйзамдары боюнча талапкер боло алышпайт. Бирок ал айыптоолор адилеттүү же саясий куугунтук экендиги башка кеп.

Ошондой эле акыркы айлампада эң аз добуш алган “Кыргызстан” партиясынын лидери Канатбек Исаев да тизмеден чыгарылды.

Урматтуу окурман, добуш берүү бөлүмүнө өтүү үчүн шилтемени басыңыз.

Эскертүү: Сурамжылоо ар 2 апта сайын жаңыланат. Кийинки жаңылануу 28-ноябрда саат 12:00дө болот. Жаңылануу болгон сайын тизме өзгөрүшү мүмкүн.