ЖЫЛНААМА, 15-НОЯБРЬ: 2003-жылы кыргыздын төкмөчүлүк өнөрү дүйнөдөгү кайталангыс 28 өнөрдүн катарына кошулган

2003-жылы 15-ноябрда Эл аралык ЮНЕСКО уюму дүйнөдөгү кайталангыс 28 өнөрдү аныктап, алардын арасына кыргыздын төкмөчүлүк өнөрүн да кошкон. Мындай чечим ЮНЕСКОнун II Эл аралык калыстар тобунун Париждеги жыйынында кабыл алынган. Ошондой эле аталган уюм 2003-жылы айтыш жана дастанчылык өнөрдү дагы элдик оозеки чыгармачылыктын шедеври деп тааныган.

Эскерте кетсек, ЮНЕСКОнун Бүткүл дүйнөлүк мурастар тизмесине ушул күнгө чейин Кыргыз Республикасынын атынан "Сулайман-Тоо" тарыхый комплекси, "Манас" үчилтиги, шырдак, боз үй, ала кийиз, Суяб, Баласагын тарыхый шаарлары, Сары-Челек, Падыша-Ата жана Беш-Арал коруктары киргизилген.

15-ноябрга карата жылнаама.