67 өлкөнүн жарандарына 30 күн каттоосуз жүрүүгө уруксат берилет

67 өлкөнүн жарандарына 30 күн каттоосуз жүрүүгө уруксат берилет. Бул тууралуу бүгүн, 15-ноябрда Жогорку Кеңештин Эл аралык маселелер боюнча комитетинин отурумунда комитеттин төрагасы Абдывахап Нурбаев билдирди.

"Мамлекеттик каттоо кызматы 67 өлкөнүн жарандары 30 күн каттоосуз жүрө ала турган токтомдун долбоорун өкмөткө киргизген. Бул токтомду бир жуманын ичинде кабыл алып, коомчулукка жарыялоо тапшырмасын бердим. Мыйзам кабыл алынгандан кийин Мамлекеттик каттоо кызматы тез арада өкмөттүн токтомун чыгарууну колго алып, мындай түшүнбөстүктөргө, коноктор кабылган ыңгайсыздыктарга жол бербеши керек эле", - деди Нурбаев.