Депутаттык комиссия өлкөдөгү интернеттин баасын талкуулады

15-ноябрда 2010-жылкы талап-тоноочулук, банк уячаларын тоноо, Бакиевдердин мүлктөрүн жеке менчикке сатуу, "Кыргызтелеком" тарабынан интернет кызматы үчүн тарифтин негизсиз көтөрүлүшү боюнча түзүлгөн депутаттык комиссиянын жыйыны өттү. ЖКнын маалымат кызматы билдиргендей, жыйынга Маалыматтык технологиялар жана байланыш комитетинин жетекчилери, "Кыргызтелеком" компаниясынын, Байланыш операторлорунун ассоциациясынын өкүлдөрү катышты. Депутаттар интернет кызматын көрсөтүү боюнча альтернативдүү чараларды иштеп чыгуу зарылдыгын айтышты.

Аталган депутаттык комиссия быйыл октябрь айында түзүлгөн.