Жаңы өкмөт мүчөлөрүнүн ант берүү аземинен фоторепортаж

Бүгүн, 17-ноябрда премьер-министр Сооронбай Жээнбеков баштаган өкмөт мүчөлөрү Жогорку Кеңеште ант беришти. Алардын берген антын президент Алмазбек Атамбаев кабыл алды.

"Мен, (аты-жөнү), (кызматтын аталышы) кызматына киришип жатып өз элимдин, президенттин жана Жогорку Кеңештин алдында Кыргыз Республикасынын Конституциясын жана анын мыйзамдарын ыйык сактоого, Кыргыз Республикасынын элине ак ниеттүүлүк менен кызмат кылууга, жогорку ишеним менен мага жүктөлгөн милдеттерди чын ниетимден жана талыкпай аткарууга ант беремин. Берген антымды бузган учурда Кыргыз Республикасынын мыйзамдарына ылайык жоопкерчилик тартам", - деп айтылат анттын текстинде.

Өкмөттүн курамы:

– премьер-министр – Сооронбай Жээнбеков

– биринчи вице-премьер-министр – Мухаммедкалый Абылгазиев

– экономикалык маселелер боюнча вице-премьер-министр – Олег Панкратов

– чек ара маселелери боюнча вице-премьер-министр – Жеңиш Разаков

– социалдык маселелер боюнча вице-премьер-министр – Чолпон Султанбекова

– билим берүү жана илим министри – Гүлмира Кудайбердиева

– эмгек жана социалдык өнүгүү министри – Таалайкүл Исакунова

– өкмөттүн аппаратынын башчысы – министр – Акылбек Осмоналиев

– тышкы иштер министри – Эрлан Абдылдаев

– маданият, маалымат жана туризм министри – Түгөлбай Казаков

– транспорт жана жол министри – Жамшитбек Калилов

– ички иштер министри – Улан Исраилов

– юстиция министри – Уран Ахметов

– каржы министри – Адылбек Касымалиев

– экономика министри – Арзыбек Кожошев

– өзгөчө кырдаалдар министри – Кубатбек Боронов

– саламаттык сактоо министри – Талантбек Батыралиев

– айыл чарба, тамак-аш жана мелиорация министри – Нурбек Мурашев

– Улуттук коопсуздук мамлекеттик комитетинин төрагасы - Абдил Сегизбаев

– Өнөр жай, энергетика жана жер казнасын пайдалануу мамлекеттик комитетинин төрагасы – Дүйшөнбек Зилалиев

– Маалыматтык технологиялар жана байланыш мамлекеттик комитетинин төрагасы – Бакыт Шаршембиев