Перуда Путин менен Обама эмне жөнүндө кеп курушканы белгилүү болду

20-ноябрда АКШ президенти Барак Обама менен Орусия президенти Владимир Путин Перуда өтүп жаткан Азия-Тынч океан саммити учурунда жолугуп, кыскача кеп курушту. Бул тууралуу чет өлкөлүк басылмалар жазып чыгышты.

Маалым болгондой, АКШ администрациясы сүйлөшүү 4 мүнөткө созулганын билдирет. Анда Обама Путинди Украина чыгышындагы чатакты жөнгө салуу боюнча Минск келишиминдеги милдеттенмелерин аткарууга чакырган. Ошондой эле Ак үй Обама эки өлкөнүн башкы дипломаттары Жон Керри менен Сергей Лавровду башка өнөктөш өлкөлөр менен бирге Сириядагы зомбулукту басаңдатуу боюнча сүйлөшүүлөрдү улантууга чакырганын кошумчалайт.