Жалал-Абад. Жакында "Жалал-Абад сулуусу-2013" сынагы өтөт

19-майда Жалал-Абад шаарында "Элет жаштары" уюмунун жана "Супер-Инфо" гезитинин аталган аймактагы өкүлчүлүгүнүн демилгеси менен "Жалал-Абад периси-2013" аттуу сулуулар сынагы өтөт. Аталган уюмдун жетекчиси Абдыманап Дыйкановдун айтымында, учурда сынакты уюштурууга кызуу даярдык жүрүүдө. "Демөөрчүлөргө да бир аз муктажбыз, азыр ошол жаатта тынбай чуркап жүргөн убагым",- деп кошумчалайт ал. Ал эми 25-апрелде аталган шаардагы Жаштар борборунда тандоо туру өтүп, анда жеңүүчү болгон сулуулар облус периси наамын багындыруу үчүн ат салышмакчы.