Чемпиондор Лигасында "Бавариянын" футболчулары "Ростовго" утулушту, Лионель Месси дагы 2 гол киргизди

24-ноябрга караган түнү футбол боюнча ири лига болгон Чемпиондор Лигасынын 5-тур оюндары орун алды. Күндүн башкы окуясы Орусиянын "Ростов" футболдук клубунун Германиянын "Бавария" клубун утканы болду. Мелдештин кийинки баскычына чыгуу укугунан ажыраган "Ростов" упайларынын санын төрткө жеткирди.

Ошондой эле "Барселона" футболдук клубу кезектеги жеңишке жетишти. Каталондуктар конокто "Селтикти" 2 гол айырмачылыгында утушту. 2 голду тең команда лидери Лионель Месси жаратты. Ал 5 оюнда 9 гол жаратуу менен бомбардирлер тизмесинин алдынкы сабындагы ордун бекемдеди.

“А” тайпасы

“Арсенал” (Англия)-ПСЖ (Франция) - 2:2

“Лудогорец” (Болгария)-“Базель” (Швейцария) - 0:0

“В” тайпасы

“Наполи” (Италия)-“Динамо” (Украина) - 0:0

Бешикташ (Түркия)-“Бенфика” (Португалия) - 3:3

“C” тайпасы

“Боруссия” (М, Германия)-“Манчестер Сити” (Англия) - 1:1

“Селтик” (Шотландия)-“Барселона” (Испания) - 0:2

“D” тайпасы

“Ростов” (Орусия)-“Бавария” (Германия) - 3:2

“Атлетико” (Испания)-ПСВ (Голландия) - 2:0