Алмазбек Атамбаев: "Бакыт Төрөбаев менен Өмүрбек Бабановдун бири президент болуп шайланса таң калбайм"

Бүгүн, 1-декабрда президент Алмазбек Атамбаев "Ала-Арча" мамлекеттик резиденциясында жыл сайын өтүүчү жыйынтыктоочу маалымат жыйынын берип жатат. Анда 2017-жылы өтүүчү президенттик шайлоого байланыштуу соболго жооп берип жатып: "Мага системдүү иш алып барган жана уурулукка барбаган саясатчылар жагат. Андай бир канча адам бар. Алар КСДПда, башка партияларда да бар. Ошол эле Жогорку Кеңештин оппозициясындагы Бакыт Төрөбаев менен Өмүрбек Бабанов деле президенттик шайлоого барса керек. Алардын бири президент болуп шайланса деле таң калбайм. Демократиялык өлкөдө мураскер болбойт. Демек, мураскер болбойт. Ал эми президенттик шайлоо 2017-жылдын октябрь айында өтөт болуш керек деп ойлоп жатам. Ага чейин дагы убакыт бар", - деди.