Эрмек Ибраимов элчи кызматынан бошотулду

Эрмек Ибраимов Кыргыз Республикасынын Австрия, Чехия, Словакия, Венгрия жана Польшадагы элчиси, Кыргыз Республикасынын ЕККУдагы жана башка эл аралык уюмдардагы туруктуу өкүлү кызматынан бошотулду. Тийиштүү жарлыкка президент Алмазбек Атамбаев кол койгонун 2-декабрда президенттик аппарат маалымдады.

Эрмек Ибраимов өлкөнүн Австриядагы элчиси жана ЕККУдагы өкүлү кызматын 2014-жылдан бери аркалап келген. Ал эми Чехия, Словакия, Венгрия жана Польшадагы элчи кызматын аркалоо милдети ага 2015-жылдын июнунда жүктөлгөн. 2014-жылга чейин Кыргыз мамлекетинин Түркиядагы элчиси кызматында иштеген. Белгилүү мамлекеттик ишмер Султан Ибраимовдун уулу.