Өкмөт: "Партиялардын биринин 2018-жылдан тарта энелик капиталды киргизүү тууралуу сунушу финансылык негиздемеге ээ эмес"

"Кыргызстан" партиясы шайлоо алдындагы үгүт иштеринде 2018-жылдан тарта ар бир төрөлгөн ымыркайга мамлекет тараптан 50 миң сом көлөмүндөгү бир жолу берилүүчү финансылык көмөк (энелик капитал) төлөнүп берилерин билдирген. Премьер-министр Сооронбай Жээнбеков баш болгон Кыргыз Республикасынын Өкмөтү республикалык бюджеттин долбооруна тийиштүү беренени кошумчалоо тууралуу маселени карап чыгары айтылган. Кыргыз Республикасынын Өкмөтүнүн Аппаратынын маалыматтык камсыздоо бөлүмү 2-ноябрда бул сунуш финансылык негиздемеге ээ эмес экенин билдирди.

"Кыргыз Республикасынын Өкмөтү белгилегендей, жогоруда көрсөтүлгөн партиянын энелик капиталды киргизүү тууралуу сунушу финансылык негиздемеге ээ эмес, анткени "Кыргыз Республикасынын 2017-жылга республикалык бюджети жана 2018-2019-жылдарга болжолу тууралуу" мыйзам долбоорунда аталган финансылык каражаттар каралган эмес", - деп айтылат маалымаатта.