"2016-жылдын мыкты машыктыруучусу" наамына "Реалдын" машыктыруучусу Зинедин Зидан, "Лестердин" машыктыруучусу Клаудио Раньери жана Португалия курамасынын машыктыруучусу Фернанду Сантуш талапкер

Эл аралык футбол федерациясы "Жылдын мыкты машыктыруучусу" наамы боюнча 3 негизги талапкердин ысымын атады. Сыйлык ээси 9-январда Цюрихте (Швейцария) өткөн иш-чара алкагында белгилүү болот.

Маалыматка ылайык, тизмеде Зинедин Зидан ("Реал"), Фернанду Сантуш (Португалия курамасы) жана Клаудио Раньери ("Лестер Сити") сыяктуу машыктыруучулар бар.

Алардын жыл ичиндеги ийгиликтерине токтолсок, Зидан мадриддик "Реалдын" Чемпиондор Лигасында жеңишке жетүүсүн камсыздаган. Ф.Сантуш Португалия курамасы менен Европа чемпиондугун утса, Клаудио Раньери "Лестер" менен Англия чемпиондугун утуп алган.

Жеңүүчүлөр ФИФАга мүчө болгон өлкөлөрдүн улуттук курамаларынын машыктыруучуларынын, капитандарынын добушунун негизинде аныкталат. Жеңүүчүнү аныктоодо күйөрмандардын добушу да чоң роль ойнойт.