Орусияда сасык тумоодон улам каза болгон кыздын сөөгү Бишкекке алынып келинди

Орусиянын Москва шаарында сасык тумоодон улам каза болгон 20 жаштагы А.Шамшытбекованын сөөгү Бишкекке алынып келинди. Бул тууралуу бүгүн, 5-декабрда Орусиядагы КРнын элчилигинен билдиришти.

"Маркумдун Бекзат аттуу таанышынын айтымында, ал бир канча күн дене табы көтөрүлүп, сасык тумоолоп үйдө жаткан. Кийин "Тез жардам" кызматы келгиче кайтыш болуп калган", - деп билдиришти элчиликтен.

Ошондой эле элчилик, маркумдун өлүмүнүн себеби соттук-медициналык экспертизанын жыйынтыгынан соң белгилүү болорун билдиришти.

Айта кетсек, А.Шамшытбекова 3-декабрь күнү каза тапкан. Ал Москвадагы клининг компанияларынын биринде иштечү.