Кыргыз жеринде 11 айда чет элдик жумушчуларга 11 миң квота бөлүндү

2016-жылдын 11 айында 11 751 чет элдик жумушчунун Кыргыз Республикасынын аймагына кирип иштөөсүнө уруксат берилди. Маалыматты 8-декабрда Миграция боюнча мамлекеттик кызматы таратты.

Жыл башынан бери чет элдик жумушчу күчтөрдү Кыргыз мамлекетине тартууга уруксат берүүчү комиссия 30 жыйын өткөрүп, 2380 арызды караган жана 1836 арызды канааттандырган.

11 751 квотанын 5557си же жалпы сырттан келген жумушчулардын 47 пайызы Бишкекте, 2759 жаран Жалал-Абад облусунда, 1763 жаран Чүй облусунда иштеп жатат. Ош шаарында 403, Ысык-Көл облусунда 374, Баткен облусунда 304, Ош облусунда 275, Нарын облусунда 255, Талас облусунда 61 сырттан келген жумушчу иштеп жатканы айтылды.