ЖЫЛНААМА, 8-ДЕКАБРЬ: Алыш жана бел боо күрөшү боюнча Дүйнөнүн жана Азиянын чемпиону Нурбек Аканов 29 жашка толду

Алыш жана бел боо күрөшү боюнча Дүйнөнүн жана Азиянын бир нече жолку чемпиону Нурбек Аканов 1987-жылы 8-декабрда Жалал-Абад облусунун Сузак районундагы Кара-Дарыя айылында төрөлгөн. 10-классынан баштап чоң мелдештерге катышып, 62 килограмм, кийин 74 килограмм салмакта Кыргыз өлкөсүнүн чемпиондугун ута баштаган. Ошол эле салмак менен абсолюттук эң оор салмактагылар арасында да жеңишке ээ болгон. Санкт-Петербургда өткөн чыгыш өнөр искусствосунун Бүткүл дүйнөлүк оюндарында 90 килограммдан жогоркулар арасында күч сынашып, атаандашын мөөнөтүнөн мурда далыларын жерге тийгизип таза жеңип алган.

Бел боо күрөшү боюнча Азия чемпиону. 2013-жылкы Бүткүл Дүйнөлүк Казань Универсиадасынын жеңүүчүсү. 2013-жылы 3 ири мелдеште чемпион аталган. Ал эми 2014-2016-жылдары I жана II Дүйнөлүк көчмөндөр оюндарынын алкагында Нурбек Аканов алыш күрөшү боюнча 100 килограмм салмакта алтын медаль тагынып, чемпион аталган.

8-декабрга карата жылнаама.