Мас абалындагы өзбек жаранынын айынан учак Самарага айласыз конууга мажбур болду

Мас абалындагы өзбек жаранынын айынан учак Самарага айласыз конууга мажбур болду. Бул тууралуу Куйбышевдин Транспорттук прокуратурасынан жергиликтүү маалымат булактарына билдиришкен.

Маалыматта айтылгандай, Киевден учуп чыккан учак борттогу мас абалдагы жүргүнчүнүн тынч отурбаганынан улам Самаранын аэропортуна конууга аргасыз болгон.

"7-декабрдан 8-декабрга караган түнү саат 02:00дө Airbus 319 учагы Киев-Алматы аба каттамы боюнча учуп чыккан. Самара шаарына жакындап калганда планда жок жерден учак аэропортко конгон. Учактын пландалбай конушу кооптуу. Муну териштиргенде бортто 1983-жылы туулган Өзбекстандын жараны мас абалында бортто ызы-чуу салып, өзү менен кошо рейсте бара жаткан аялын уруп киргени аныкталган. Аталган жүргүнчү каттамдан түшүрүлүп, учак болжогон жерине кайрадан учуп кетти. Ал эми тартип бузган жаран боюнча протокол түзүлдү. Учактын планда жок конушу тууралуу учурда полиция териштирүү иштерин улантууда", - деп жазылат аталган прокуратуранын маалыматында. Учактын ичинде 50 жүргүнчү болгон.