ӨКМ: Унаалардын ортосунда 500 метр аралык кыймыл чектелиши зарыл

Унаалардын ортосунда 500 метр аралык кыймыл чектелиши зарыл. Бул тууралуу бүгүн, 9-декабрда Өзгөчө кырдаалдар министрлигинен билдиришти.

Маалыматка караганда, 2016-жылдын 10-декабрынан 12-декабрына чейин жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда, Бишкек-Ош унаа жолунун (Төө-Ашуу ашуусу) 121-138, (Ала-Бел ашуусу, Чычкан капчыгайы) 198-265-чакырымдары, Мырзаке-Кара-Кулжа-Алайкуу унаа жолундагы 65-90-чакырымдары, Ала-Бука-Каныш-Кыя унаа жолунун 65-90-чакырымдары, Каныш-Кыя-Кызыл-Адыр унаа жолунун 75-82-чакырымдары, Красная-Горка-Ак-Таш унаа жолунун 1-4-чакырымдары, Нарын-Казарман унаа жолунун (Кара-Көө ашуусу) 67-94-чакырымдарындагы, Каракол-Эңилчек унаа жолунун (Чоң-Ашуу ашуусу) 45-92-чакырымдары жана Барскоон-Ак-Шыйрак унаа жолунун (Сары-Мойнок ашуусу жана Сөөк ашуусу) 60-68-чакырымдарында кар көчкү түшүүсү жана кар күрткүсү сакталат. Жолдор тайгак болуп, муз тоңот. Унаалардын ортосунда 500 метр аралык кыймыл чектелиши зарыл.