Кара-Кулжа районунун Кызыл-Булак айылында тургундар паспорттогу жазуу үчүн шайлоого катышпай калышты

Кара-Кулжа районунун Сары-Булак айыл өкмөтүндө тургундар паспорттогу жазуу үчүн шайлоого катышпай калышты. Бул тууралуу SUPER.KG порталына аталган айылдын тургуну билдирди.

"№5021-шайлоо тилкесинде айыл тургундарынын айрымдары шайлоого катышкан жок. Буга паспортундагы "Сары-Булак айылы" деген жазуу себеп болду. Аталган айыл өкмөтү Кызыл-Булак жана Кара-Булак болуп экиге бөлүнөт. Кызыл-Булакта жашаган жашоочулардын көбүнүн паспортунда "Сары-Булак айылы" деп жазылган экен. Мурдагы шайлоолордо мындай нерсе болгон эмес. Бул маселени айыл өкмөтү да, аким да чечип бере алган жок. Баары кол шилтеп кетип калышты", - дейт окурман.