Бишкектиктер коомдук унаада жол кирени карталар менен төлөй башташат

Бишкек шаарында коомдук унааларда жол кире төлөө тартиби автоматташтырылат. Бул тууралуу Бишкек шаардык Транспорт башкармалыгынын жетекчисинин орун басары Нурлан Атыканов 14-декабрда “Парламент” радиосунун түз эфиринде билдирди.

Долбоор бир-эки айдын ичинде ишке ашырылат. Транспорттук карталар чыгарылып, ага жүргүнчүлөр телефонго бирдик жүктөгөндөй эле каражат топтоп жол кире төлөө мүмкүнчүлүктөрүнө ээ болушат. Төлөмдү кабыл алууга коомдук унааларга валидатор жабдыгы коюлары айтылды. Ошондой эле коомдук транспорттордо “Абайлагыла, эшик ачылат!” деген сыяктуу автоматтык түрдө коопсуздук эрежелерин эскерткен кулактандыруулар жарыяланып баштайт. Ар бир токтогон аялдаманын дарегин айтып, тааныштырып турган бир кездеги салт кайра калыбына келтирилмекчи.