4 шаардын абалын жакшыртууга 15 миллион доллар бөлүү боюнча мыйзамга кол коюлду

Кыргыз Республикасы менен Эл аралык өнүктүрүү ассоциациясынын ортосундагы "Шаарды өнүктүрүү долбоорун" каржылоо жөнүндө макулдашуу 10 күндөн кийин күчүнө кирет. Тийиштүү мыйзамга 15-декабрда президент Алмазбек Атамбаев кол койду. Мыйзамды Жогорку Кеңеш 2016-жылдын 10-ноябрында кабыл алган.

Ага ылайык, Кербен, Токтогул, Балыкчы жана Сүлүктү шаарларынын муниципалдык кызмат көрсөтүүсүн, инфраструктурасын жакшыртууга аталган уюм тарабынан акча бөлүнөт. Акчанын суммасы - 12,8 миллион доллар. Мунун 6,6 миллион доллары жеңилдетилген насыя, 5,4 миллион доллары гранттык каражат. Буга кошумча өкмөт 2,4 миллион доллар бөлүүгө тийиш.