Роналду, Путин, Трамп сыяктуу атактуулардын сүрөттөрүн төшү менен тарткан сүрөтчү

Сүрөт тартуу ар бир адамдын колунан келе бербейт. Орусиялык Ирина Романовская көпчүлүккө эпатаждуу сүрөтчү катары таанымал. Ал көпчүлүк сүрөтчүлөрдөн айырмаланып, сүрөттү колу менен эмес, төшү менен тартат. Романовская буга чейин казак президенти Нурсултан Назарбаевди, америкалык лидер Барак Обаманы, футболчу Лионель Мессини, актёр Ленардо Ди Каприону, Чечен Республикасынын башчысы Рамзан Кадыровду жана башкаларды төшү менен тартып чыккан. Айрымдарын каармандарынын өздөрүнө тапшырган. Мисалы, Орусиянын президенти Владимир Путиндин сүрөтүн тартып, туулган күнүнө карата Кремлге салып жиберген. Ошондой эле Халк аты менен таанылган бразилиялык футболчу Живанилду Виейра де Соузанын сүрөтүн да тартып, өзүнө берип, андан кол тамга алган.

Бүгүн, 16-декабрда сүрөтчү "Алтын топ" сыйлыгын алган Криштиану Роналдуну топту өөп жатканын тартканын кабарлап, ага ийгилик каалаган.