Бишкекте балыкты мыйзамсыз уулап саткандар кармалышты

Бишкекте балыкты мыйзамсыз уулап саткандар кармалышты. Бул тууралуу бүгүн, 22-декабрда Экологиялык жана коопсуздук боюнча инспекциянын басма сөз кызматынан билдиришти.

"Экологиялык жана коопсуздук боюнча инспекциясы бир канча жолу рейд жүргүзгөнгө карабастан, мыйзамсыз балык уулагандардын саны төмөндөбөй жатат. Балыктар борбор калаага көбүнчө Ысык-Көл облусунан, Соң-Көлдөн жана Токтогул районунан келет. Ошондой эле Орто-Токой суусунан кармалган балыктар да бар. Бишкекте акыркы 15 күн аралыгында браконьерлерден 45 килограмм балык, 2 килограмм икра алынды", - деп билдирди басма сөз кызматы.

Басма сөз кызматынын маалыматына ылайык, кармалгандарга 4 протокол толтурулуп, сотко жиберилген. Ал эми балыктар убактылуу сактоочу жайга киргизилген. Жаңы жылга чейин атайын рейддер уюштурулуп, мыйзамсыз балык кармоочулар менен күрөшүү иштери жүргүзүлмөкчү.