ИИМ: "УКМКнын кызматкери баңгизат менен кармалды"

23-апрелде Бишкек шаардык ИИББинин кызматкерлери тарабынан Бишкектин көчөлөрүнүн биринен шектүү катары Ниссан үлгүсүндөгү унаа токтотулуп, тинтүү жүргүзүлгөн. Жыйынтыгында унаа ичинен 24 грамм баңгизат табылды. Аталган мекеменин басма сөз кызматы билдиргендей, текшерүүнүн жүрүшүндө унаанын айдоочусу УКМКнын Баткен облусундагы кызматкери экендиги белгилүү болду. Андан соң аталган кызматкерди медициналык экспертизадан өткөргөндө анын баңгизат колдонуп жүргөндүгү да аныкталган. Учурда бул факты боюнча кылмыш иши козголуп, тийиштүү иштер жүргүзүлүүдө.