"Чагымчыл" деп кармалган эки адам бошотулуп, Бишкекте оппозициянын митинги аяктады

Бишкектин борбордук аянтындагы оппозициянын митинги бүтүп, эл таркады. Митинг маалында "чагымчылдык кылды" деп кармалып кеткен 2 адамдын да бошотулгандыгы белгилүү болду. "Нарын облусунун 60 жаштагы тургуну таркап жаткан адамдарды Ак үйдүн алдына барууга үндөгөндүгү үчүн милиция кызматкерлери аны кармап кеткен. Ага түшүндүрүү иштерин жүргүзүп, коё бердик. Ал эми кийин кармалган селсаяк, анын эч кимге зыяны жок, аны да бошоттук",- деди Бишкек шаардык ИИББинин басма сөз кызматынын башчысы Бакыт Сейитов. Митингдин соңунда уюштуруучулар жер-жерлерде эл менен жолугушуу өткөрүү керектигин белгилешти. Ал эми митингден кийинки "Ала-Тоо" аянтынын көрүнүшү төмөндөгүдөй.