Волейбол боюнча улуттук курам финалда Бангладеш курамасына утулуп, күмүш медаль тагынды

Дакка шаарында (Бангладеш) волейбол боюнча Азия чемпиондугу жыйынтыкталды. Мелдешке "Борбордук зона" чөлкөмүнө кирген 5 команда катышкан: Бангладеш, Мальдив аралдары, Ооганстан, Непал жана Кыргыз Республикасы. Жобо боюнча командалар өз ара бирден оюн ойноп чыгышты.

Тайпалык оюндарда алдынкы 2 орунду камсыздаган Бангладеш жана Кыргыз мамлекетинин улуттук курамалары финалда кез келишти. Кызуу өткөн беттеште үй ээлери алгачкы партияны 25:22 эсебинде, экинчи партияны 25:23 эсебинде утуп алышты.

3-партия башталып, эсеп катыштыгы 7:6ны түзүп турганда кыргыз спортчусу Нурмухаммед Токтоев жаракат алып калды. Улуттук курамабызда 6 гана оюнчу калып, жобо боюнча командага техникалык жеңилүү жазылды.

Натыйжада Бангладеш курамасы алтын медалды тагынса, кыргыз волейболчулары күмүш медаль тагынууга аргасыз болушту.