Салык кодексине өзгөртүү жана толуктоо кирди

24-апрелде президент Алмазбек Атамбаев “КРнын Салык кодексине өзгөртүүлөрдү жана толуктоолорду киргизүү жөнүндө” мыйзамга кол койду. Мыйзам 2013-жылдын 14-мартында Жогорку Кеңеш тарабынан кабыл алынган. Ал салык кызматы органдарына салык төлөөчүнүн салык отчётун берүү жол-жобосун жеңилдетүү максатын көздөйт. Мыйзам салык отчётторун жана декларацияларды электрондук түрдө жана электрондук санариптик кол тамгасыз берүү мүмкүндүгүн карайт. Мыйзам расмий жарыяланган күндөн тартып күчүнө кирет.