СУПЕРСТАН: "Полиция кызматкерлеринен качып муздаткычка жашынып калганда..."

SUPER.KG порталынын "Суперстан" бөлүмүндө "Чет өлкөдө башыңыздан өткөн окуялар" деген тема талкууга алынууда.

Темадагы билдирүүлөрдөн:

"Рестораныбыз банкрот болуп жабылып жаткан, менеджер эки-үч кызматкерди тазалашып койгула деп алып калды. Жыйнап жатсак полиция кызматкерлери келип калышты, менин документим жок болчу. Документимди сурашканда "азыр" деп муздаткычты айланып жатып ичине кирип алдым. Алар кайда жоголуп кеткениме түшүнбөй бир саат издешкен. Мен тоңуп калгам. Аягында тигилерден акча алып кетишкен".

"Жаңы ишке кирген күн. Куруучу болуп кирип жаткам, жетекчи келип "Эмне кылганды билесиң?" деп калды. Мен сыр бербей "баарын кылам" дедим. Аңгыча колума перфоратор берип койду. Өзүмдү кыйын сезип, баскычын баса койсом титиреп кетти вибрация болуп, коркконумдан ыргытып жибердим. Ал барып жетекчинин алдына түшүп калды. Анын шылдыңдап күлгөнүн айтпа!"

"Мен анда 17 жашта элем. Бир орус келип "Канча жаштасың?" десе, 17ни орусча айтам деп "семьдесят" десем күлгөн бойдон кетти. Анан ойлонуп эсептеп баштадым".

Талкууга кошулгуңуз келсе, бул жакка кириңиз.