Сүлүктүдөгү "Кызыл-Булак" шахтасында 53 жаштагы кызматкерди уранды басып калды

Баткен облусундагы Сүлүктү шаарында жоопкерчилиги чектелген коомунун "Кызыл-Булак" шахтасында адам каза болду. Бул тууралуу Өзгөчө кырдаалдар министрлигинин басма сөз кызматы бүгүн, 31-декабрда билдирди.

"Бүгүн, 31-декабрда саат 06:50дө шахтанын урандысы Лейлек районунун Миң-Жыгач айылынын 1963-жылы туулган Ж.Б. аттуу тургунун басып калып, жыйынтыгында ал каза болгон. 7 куткаруучу окуя болгон жерге барып, урандынын астынан каза болгон адамдын сөөгүн чыгарышкан", - деп билдиришти ӨКМнын басма сөз кызматы.

Маалыматка ылайык, каза болгон адамдын сөөгү "Тез жардам" кызматына өткөрүлгөн.