Республиканын тоолуу райондорунда жана унаа жолдордо кар көчкү түшүү коркунучу сакталууда

Республиканын тоолуу райондорунда кар көчкү коркунучу бар экенин Өзгөчө кырдаалдар министрлиги бүгүн, 2-январда билдирди.

2016-жылдын 31-декабрынан 2017-жылдын 2-январына чейин жаап өткөн жаан-чачынга байланыштуу республиканын тоолуу райондорунда, Бишкек-Ош унаа жолунун 121-138-чакырымдарында (Төө-Ашуу ашуусу), 198-265-чакырымдарында (Ала-Бел ашуусу, Чычкан капчыгайы), Мырзаке-Кара-Кулжа-Алайкуу унаа жолунун 65-90-145-150-чакырымдарында, Ала-Бука-Каныш-Кыя унаа жолунун 65-99-чакырымдарында, Красная-Горка-Ак-Таш унаа жолунун 1-4-чакырымдарында, Нарын-Казарман унаа жолунун 42-44-67-94 чакырымдарында (Кара-Көө ашуусу, Ийри-Суу тилкеси) жана Каракол-Эңилчек унаа жолунун 45-92-чакырымдарында (Чоң-Ашуу ашуусу) кар көчкү түшүүсү коркунучу жана кар күрткүсү сакталат. Жолдор тайгак болуп, муз тоңот. Унаалардын ортосундагы 500 метр аралык кыймыл чектелиши зарыл.