Айбек Мамасеитов: "Камчы Көлбаевдин каракчылык кылганын көргөн эмесмин"

Бүгүн, 25-апрелде кримавторитет Камчы Көлбаев боюнча кезектеги соттук отурум уланууда. Анда күбө катары Айбек Мамасеитов буларды айтты. “Көлбаев менен жакындан тааныш эмесмин. Ал менен 2007-жылы Ысык-Көлдөн анын үйүнөн тааныштым. Ал жерге досум Арзымат Буркановдун чакыруусу менен баргам. Бирок Камчы Көлбаев бизден акча талап кылып, каракчылык кылган эмес". Анын айтымында, өзү, Арзымат Бурканов, Медер Кожакметов, Бакыт Бекбоев, Садыр Жапаров (депутат) жана Камчы Көлбаевдер болуп Ысык-Көлдөн жолугушканда ортодо акча маселеси болгон.