Асылбек Жээнбеков кыргызстандыктарды Салттуу музыка күнү менен куттуктады

Бүгүн, 25-апрелде ЖКнын жыйынында төрага Асылбек Жээнбеков Кыргызстандын калкын, анын ичинде парламент депутаттарын Салттуу музыка күнү менен куттуктады. “Салттуу ыр-күүлөр элибиздин көөнөргүс байлыгы болуп саналат. Биз үчүн жакшы саамалык, жаңы жөрөлгө болгон элдик музыка майрамы элибиздин руханий кенчин келечек муун үчүн сактап, аны кеңири жайылтууга өбөлгө түзөт”,- деди ал. Эске сала кетсек, кыргыз элинин байыртадан келе жаткан ыр-күүлөрүн сактоо жана кеңири жайылтуу максатында 2013-жылдын 18-апрелинде  Жогорку Кеңеш тарабынан ар жылдын 25-апрелин Салттуу музыка күнү катары белгилөө жөнүндө токтом кабыл алынган.