Эксперт: "Сириядагы согушка 800дөй кыргыз жараны катышып жатканы расмий айтылууда, бирок мындан да көп болушу мүмкүн"

Бүгүнкү күндө Сириядагы согушка 800дөй Кыргыз мамлекетинин жараны катышып жатканы расмий айтылууда, бирок чындыгында мындан да көп болушу мүмкүн. Мындай оюн бүгүн, 6-январда диний маселелер боюнча адис Кадыр Маликов билдирди.

Анын айтымында, 2011-жылы Сирияда конфликт башталганда "Аль-Каида" интернет аркылуу бардык мусулман өлкөлөрүндөгү жаштарга кайрылып, согушка катышууга чакырык жасаган. "Террордук уюмдун күчү пропагандага жумшалган. Бир гана Орто Азия мамлекеттеринин жарандары эмес, батыш өлкөлөрдүн жарандары да Сирияга жөнөшкөн. Бул көйгөй биздин өлкөбүзгө да тийген. Бүгүнкү күндө Сириядагы согушка катышып жаткан чет өлкөлүктөр ИГИЛге кысым жасалган сайын мекендерине кайтышы толук мүмкүн. Адам өлтүргөн, кан көргөн террорчулар мекендерине кайтышып, террордук аракеттерин улантышы ыктымал", - деди Маликов.