Премьер-министр Жантөрө Сатыбалдиев Баткен облусуна иш сапары менен барат

Эртең, 26-апрелде премьер-министр Жантөрө Сатыбалдиев Баткен облусуна иш сапары менен барат. Анын алкагында, “Баткен-2013” аттуу Баткен облусун өнүктүрүү жана инвестициялоо боюнча 1-Эл аралык форумуна катышат. Бул тууралуу өкмөттүн басма сөз кызматы билдирет. Форумдун иши аяктаган соң өкмөт башчысы чек ара боюндагы айылдарды кыдырат жана Айгүл-Таш-Согмент-Чарбак-Таян унаа жолунун, Чарбак айылындагы ФАПтын, суу түтүгүнүн, чек ара постунун жана Сох анклавын тегерете инженердик тосуулардын курулуштарынын аткарылышын жана кандай деңгээлде жүрүп жатканын текшерет.