Супер-Инфо
super.kg видео
ЭЛДИК КАБАР: "Орто-Сайдын" соодагерлери митинг уюштурушту
Бүгүн, 11-январда Бишкектеги "Орто-Сай" базарынын соодагерлери базардын аймагында нааразычылык акция уюштурушту. Бул тууралуу окурман SUPER.KG порталына билдирди.
Анын айтымында, кийинки митингди жума күнү өткөрүү пландалууда. Маалым болгондой, базардын жетекчилиги 29-декабрда 20 тонналык контейнердин ижарасы 5200 сомдон 7500 сомго чейин көтөрүлөрүн билдирген. Соодагерлердин көбү нааразы болуп, кымбаттаган баа менен төлөөдөн баш тартышкан. Бүгүн, 11-январда базардын жетекчилиги ижарасы төлөнбөгөн контейнерлерди пайдаланууга тыюу салышты. Соодагерлердин митингге чыкканына байланыштуу жетекчилик ижара маселесин жума күнүнө чейин кайра карап чыгууну убадалады.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
0
1 |