Супер-Инфо
super.kg видео
ЭЛДИК КАБАР: "Орто-Сай" базарында кайрадан митинг болду
Бүгүн, 14-январда Бишкектеги "Орто-Сай" базарында кайрадан митинг өттү. Бул тууралуу SUPER.KG порталына окурман билдирди.
Анын айтымында, жетекчиликтин өкүлү соодагерлерге чыгып, "эгер 7500 сом төлөбөсөңөр, 10 миң сомго көтөрөм" деп кыйкырган. "Колуңардан эч нерсе келбейт" деген сыяктуу сөздөр менен күзөт кызматынын коштоосунда иш бөлмөсүнө кирип кетти", - дейт окурман.
Айта кетсек, 11-январда аталган базардын соодагерлери базардын аймагында нааразычылык акциясын уюштурушкан. Маалым болгондой, базардын жетекчилиги 29-декабрда 20 тонналык контейнердин ижарасы 5200 сомдон 7500 сомго чейин көтөрүлөрүн билдирген. Соодагерлердин көбү нааразы болуп, кымбаттаган баа менен төлөөдөн баш тартышкан. 11-январда базардын жетекчилиги ижарасы төлөнбөгөн контейнерлерди пайдаланууга тыюу салган. Соодагерлердин митингге чыкканына байланыштуу жетекчилик ижара маселесин жума күнгө чейин кайра карап чыгууну убадалаган.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
"Орто-Сайда" митинг (14.01.17)
0
1 |