ЖЫЛНААМА, 14-ЯНВАРЬ: 69 жыл мурун хоккей жылдызы Валерий Харламов төрөлгөн

Мындан 69 жыл мурун, 1948-жылы 14-январда атактуу советтик хоккейчи, 2 жолку Олимпиада жана 8 жолку Дүйнө чемпиону Валерий Харламов төрөлгөн. Спортчу 1967-1981-жылдары ЦСКА, 1969-1980-жылдары СССРдин курама командасында ойногон. Ал 1969-жылы "СССРдин Эмгек сиңирген спорт чебери" наамын алган. Валерий Харламов 1972, 1976-жылдары Олимпиада чемпиону, 8 жолку (1969, 1970, 1971, 1973, 1974, 1975, 1978, 1979) Дүйнө чемпиону болгон. Ошондой эле 1972, 1973-жылдары "СССРдин мыкты хоккейчиси" деп аталган. 1981-жылы 27-августта автокырсыкка кабылып, 33 жашында көз жумган.

14-январга карата жылнаама.