Нарында Чернобыль кырсыгынын катышуучуларына "Чернобыль баатыры" деген медалдар берилди

Бүгүн, 26-апрелде Нарын облустук администрациясында Чернобыль окуясынын 27 жылдыгына арналган иш-чара болуп өттү. Анда облус жетекчисинин орун басары Чынара Абдраимакунова, Нарын шаарынын мэри Баатырбек Жээналиев жана облустук, райондук мекемелердин жетекчилери сөз сүйлөштү. Аталган кырсыктын катышуучулары иш-чаранын сыйлуу коногу болду.

“Чернобыль кырсыгына коркпой катышып, эрдик көрсөттүңүздөр. Сиздерге бекем ден соолук жана узун өмүр каалайм. Арабыздан өтүп кеткен Чернобыль окуясынын катышуучуларын унутпайбыз”,- деди Ч.Абдраимакунова. Кырсыктын катышуучуларына өкмөттүн облустагы өкүлчүлүгү Ардак грамоталарды жана “Чернобыль баатыры” деген медалдарды тапшырды. Белгилей кетсек, бүгүнкү күндө аталган облуста Чернобыль окуясынын 83 катышуучусу жашайт.