"Мектепте жарылуучу зат коюлгандыгы тууралуу жалган маалымат тараткан" деп шектелип 3 окуучу кармалды

25-апрелде Ысык-Ата РИИБине аталган райондогу “Надежда” аттуу христиан мектебинде жарылуучу зат коюлган” деген маалымат түшкөн. Мындай маалыматты мектептин күзөт кызматкери билдирген. Окуянын чын-жалганын иликтөө үчүн УКМКнын кызматкерлери аталган мектепке барып тинтүү жүргүзүштү, бирок эч кандай жарылуучу зат табылган жок. Күзөт кызматкери болсо, ага бейтааныш 2 адам телефон чалып, мектептин дааратканасында жарылуучу зат коюлганын билдиргенин айтты. Окуя боюнча иликтөө иштери башталып, жалган маалыматты берген деп шектелип аталган мектептин Р.Б., А.З. жана Д.К. аттуу окуучулары кармалды.