"Кыргызстан Элдик демократиялык партиясынын" лидери телетаймаштын суроолоруна жооп бере алган жок

Бүгүн жергиликтүү кеңешке ат салышып жаткан партиялар арасындагы телетаймаштын экинчи күнү болуп жатат. КТРКнын түз эфириндеги бүгүнкү телетаймашка "Кыргызстан транспортчуларынын партиясы", "Мекен ынтымагы", "Кыргызстан элдик демократиялык партиясы" (КЭДП) чыкты. Телетаймаштын биринчи раунду аяктаган соң алып баруучулар тарабынан блиц-суроолор берилди. "Мекен Ынтымагы" жана "Кыргызстан транспортчуларынын партиясынын" лидерлери берилген 10 суроого толугу менен жооп беришсе, КЭДП партиясынын лидери Вадим Неронов "200 сомдун бетинде кимдин сүрөтү?", "Кино үйүнө кимдин ысымы берилген?" жана "Кыргызстанда казинолордун ишмердүүлүгү качан токтогон?" деген суроолорго жооп бере алган жок.