3,6 миллиард адамдын акчасы 8 адамдын колунда экени белгилүү болду

Жакырчылык менен күрөшкөн "Oxfam" гуманитардык уюму Дасвосто өтө турган форум алдында дүйнө жүзүндөгү байлар менен жакыр тургандардын дүнүйөлөрүнүн статистикасын чыгарганын "Le Soir" гезити жазып чыккан. Статистикага ылайык, дүйнөнүн 8 эң бай адамы 3,6 миллиард адамдыкындай мүлккө ээ.

Планетанын эң бай адамдарынын тизмесинин алгачкы орунунда "Microsoft" компаниясынын негиздөөчүсү Билл Гейтс турат, анын мүлкү "Forbes" басылмасынын маалыматы боюнча, 75 миллиард доллар. Ошондой эле "Facebook" социалдык тармагын жасаган Марк Цукербергдики 44,6 миллиард доллар, инвестор Уоррен Баффеттики 60,8 миллиард, медиа-магнат жана Нью-Йорктун мурунку мэри Майкл Блумбергдики 40 миллиард. "Amazon'дун" негиздөөчүсү Жефф Безос 45,2 миллиард, мексикалык бизнесмен Карлос Слим 50 миллиард, Oracle корпорациясынын негиздөөчүсү Ларри Элисон 43,6 миллиард, "Zara" дүкөндөрүнүн ээси Амансио Ортега 67 миллиард долларга ээ.