Супер-Инфо
super.kg видео
Мухаммедкалый Абылгазиев: "Табылган дене мүчөлөр канча адамга тиешелүү экени белгисиз"
Бүгүн, 16-январь күнү саат 07:20 чамасында "Манас" аэропортуна жакын жердеги Аэрофлот дачалык тилкесине Боинг 747-400 үлгүсүндөгү учак кулап түшкөн. Кыргыз Республикасынын Биринчи вице-премьер-министри Мухаммедкалый Абылгазиев кырсыктын кесепетинен жалпы 28 жергиликтүү тургун жана экипаждын 4 мүчөсү каза тапканын билдирди.
Абылгазиевдин айтымында, адамдын дене мүчөлөрү да табылган, азырынча ал дене мүчөлөр канча адамга тиешелүү экендиги белгисиз. Экспертизанын жыйынтыгынан соң белгилүү болот.
"Кыйраган учак 4 айдан бери Гонконг-Бишкек-Стамбул каттамын ишке ашырып келген. Экипаж мүчөлөрү да буга чейин "Манас" аэропортуна конуп жүрүшкөн. Учактын ичинде 85 тонна калкка керектүү товарлар болгон. Куткаруу иштерине Өзгөчө кырдаалдар министрлигинен 300 адам, Ички иштер министрлигинен 500дөй адам тартылды", - дейт Мухаммедкалый Абылгазиев.
40ка чукул адамдын өмүрүн алган авиакырсык
0
Ошол самолетта кандай товарлар бар экенин аныктагылачы супер инфо
Кабарлардан карап ыйлагың келет экен. Жабыр тарткандардын туугандарына көңүл айтам . Сабыр кылыңыздар.
Жакшылык жамандык Кудайдан деп билебиз.
Кайгы күнү Кыргыз элиме келип олтурат, Каза болгондордун арты кайырлуу болсун жакындарына терең кайгыруу менен көңүл айтабыз! Кыргызстан элимде тынчылык аманчылык болсун. Сабыр кыргыз элим сабыр!