1,5 жыл абакта отурган мушкер Александр Емельяненко рингге кайтат

Орусиялык мушкер, айтылуу Фёдор Емельяненконун иниси Александр Емельяненко рингге кайтат. Ал 1,5 жыл абакта отурган соң эркиндикке чыгып, машыгууларды баштады. Бул тууралуу орусиялык басылмалар кабарлайт.

Маалыматка ылайык, мушкер февраль же март айында рингге чыгуу боюнча сүйлөшүү жүргүзүүдө.

Кошумчалай кетсек, Емельяненко абактан 24-ноябрда чыккан. Ал 2015-жылы Москва соту тарабынан 4,5 жылга эркинен ажыратылган жана 50 миң рубль айыпка жыгылган. Ал үй кызматчысы Полина Степанованын паспортун алып алганы жана кызга карата зомбулук кылганы үчүн айыптуу деп табылган.