Авиакырсыктан жаракат алган 13 адам учурда Бишкек шаарынын жана Кочкор районунун ооруканаларында

Авиакырсыктан жабыр тарткан жарандардын экөө учурда Кочкор районунун аймактык ооруканасында, ал эми 11и Бишкек шаарынын ооруканаларында. Бул тууралуу бүгүн, 18-январда Саламаттыкты сактоо министрлигинин басма сөз кызматы кабарлады.

"Бейтаптардын абалы жаракаттын оордугуна жараша бойдон калууда. Алардын баары керектүү дары-дармектер менен камсыз болушкан. Дарылоо жана көзөмөл уланып жатат", - деп жазылат маалыматта.

Учурда Улуттук госпиталда 1, Бишкек илимий-изилдөө травматология жана ортопедия борборунда 1, Шаардык медициналык тез жардам балдар клиникалык ооруканасында 8, Шаардык гинекология ооруканасында 1, Кочкор районунун аймактык ооруканасында 2 бейтап дарыланып жатат.