Экипаж мүчөлөрүнүн үчөөсүнүн сөөгү Түркиянын Кыргыз жергесиндеги элчилигине өткөрүлүп берилди

16-январда Курулуш башкармалыгынын дачалары аймагында кырсыкка учураган Боинг 747-400F учагынын экипаж мүчөлөрүнүн үчөө Түркиянын Кыргыз өлкөсүндөгү элчилигине өткөрүлүп берилди. Бул тууралуу өкмөттүн басма сөз кызматы билдирди.

"Алардын сөөгүн Түркиянын Кыргыз жергесиндеги элчилиги өткөрүп алды. Эми аларды өз мекенине жерге берүүгө жиберишет. Республикалык сот-медициналык экспертизасы алардын өздүгүн аныктаган тиешелүү документтерди дайындап тапшырды. Алар Ибрагим Даранжи, Казым Өндүл жана Ихсан Кожа", - деп жазылат маалыматта. Маркумдардын сөөгү эртең, 19-январда Түркияга жөнөтүлмөкчү.

Эске сала кетсек, 16-январда Чүй облусундагы Сокулук районуна караштуу Курулуш башкармалыгынын дачалары аймагына Түркиянын жүк ташуучу учагы кулап түшүп, кырсыктын кесепетинен 34 Кыргыз жараны жана 4 экипаж мүчөсү каза тапкан.