Алмазбек Атамбаев президенттик аппараттын башчысы менен Конституцияны талкуулады

Өлкө жетекчиси Алмазбек Атамбаев менен президенттик аппараттын башчысы Фарид Ниязов 23-январда расмий жарыяланган Конституциянын текстин талкуулашты.

Фарид Ниязов Конституциянын текстин расмий жарыялоого даярдоо боюнча түзүлгөн мекемелер аралык жумушчу топ ишин жыйынтыктаганын билдирди. Айтымында, Конституциядан ылайыксыз тексттер алынып, жаңы өзгөртүүлөрдүн тексти киргизилди. Мамлекет башчы жасалган иштердин маанилүүлүгүн белгилеп, жумушчу топтун мүчөлөрү жана эксперттер тараптан бул жооптуу ишти аткарууга өтө олуттуу жана дыкат мамиле жасоо зарылдыгына көңүл бурду.