Азия Кубогуна чыгуу үчүн улуттук курама команда Индия, Мьянма жана Макао менен ойнойт

2019-жылы өтө турган Азия Кубогунун тандап алуу оюндарында улуттук курама команданын атаандаштары белгилүү болду. 23-январда Абу-Даби шаарында чүчү кулак ташталып, анда 24 команда 6 тайпага бөлүндү. Жыйынтыгында Кыргыз Республикасы “А” тайпасына бөлүнүп, атаандаштары Индия, Мьянма жана Макао командалары болду.

Эске салсак, тандап алуу оюндарында тайпадан алдынкы 1-2-орунду алган командалар 2019-жылы БАЭде өтө турган финалдык баскычка чыгышат.

Тайпалар тизмеси:

"А" тайпасы: Кыргыз Республикасы, Индия, Мьянма, Макао.

"В" тайпасы: Түндүк Корея, Гонконг, Ливан, Малайзия.

"С" тайпасы: Иордания, Вьетнам, Ооганстан, Камбоджа.

"D" тайпасы: Оман, Палестина, Мальдив аралдары, Бутан.

"Е" тайпасы: Бахрейн, Түркмөнстан, Тайбэй, Сингапур.

"F" тайпасы: Филиппин аралдары, Тажикстан, Йемен, Непал.