Сасык тумоого чалдыккандардын саны 5 пайызга жогорулады

Сасык тумоо жана курч мүнөздөгү респиратордук вирустун эпидемиологиялык абалы туруктуу, ооруга чалдыккандардын саны 5 пайызга жогорулады. Бул тууралуу Саламаттыкты сактоо министрлиги билдирет.

"Жума сайын өткөрүлчү мониторингге ылайык, ооруга чалдыккандардын саны 5 пайызга жогорулады. Эгер 2017-жылдын 2-жумасында өлкө боюнча сасык тумоо белгилери менен 7479 кайрылуу болсо, 3-жумада 7860 кайрылуу болгон", - деп айтылат маалыматта.

Маалыматка ылайык, ооругандардын саны Ысык-Көл облусунда (69 пайызга өскөн), Баткенде (48,8 пайыз) жана Чүйдө (29,4 пайыз) өскөн. Мектептерде жана бала бакчаларда балдардын келүүсү боюнча мониторинг жүргүзүү уланууда.